Енгил вазн тоифасида амалдаги UFC чемпиони Ҳабиб Нурмагомедов Ҳамзат Чимаевнинг истиқболи ҳақидаги фикрлари билан ўртоқлашди.
Албатта, Чимаевда ҳақиқий куч бор, у барча рақибларини нокаут билан енгмоқда. Менимча, у бунга лойиқ.Эслатиб ўтамиз, 26 ёшли Чимаев 32 ёшли Мершертни 17 сония ичида нокаутга учратиб, тезкор нокаутлар борасида UFC тарихида (ўрта вазн тоифасидаги) учинчи энг яхши натижани қайд этди. Фақат Марк Вейр (10 сония) ва Терри Мартин (14 сония) рақибларини ундан тезроқ нокаутга учратган.Али Абдулaзиз (Ҳабибнинг менежери) менга Чимаевнинг навбатдаги тўқнашуви беш раундлик жанг бўлишини айтди. У декабрь ойида кучли рақибга қарши жанг қилади. Бу жуда қизиқ бўлади.
Чимаев ўзига ижобий эътиборни жалб қилмоқда, унга яхши имконият очилди. Агар Чимаев ушбу жангда ғалаба қозонса, унинг навбатдаги беллашуви даъвогарлик жанги бўлиши керак.
Ҳабиб Нурмагомедов, UFC жангчиси
Ҳамзат 16 июль куни UFC on ESPN 13 мусобақасида промоушендаги дебютини ўтказган. Унда швециялик спортчи Жонс Филлипсни оғритиш усули билан таслим этди. Шунингдек, UFC Fight Island 3 мусобақасида Ҳамзат Рис Маккини 3 дақиқа ичида нокаутга учратганди.
Ҳамзат Чимаев иштирокидаги жангларни бу ерда кўриш мумкин → ҳавола.
Изоҳ (0)