Футбол бўйича Англия Премьер Лигасининг 4-турида «Эвертон» 3 октябрь, шанба куни «Брайтон»ни қабул қилди.
Учрашувнинг 16-дақиқасида Доминик Кэлверт-Льюин ўйиндаги ҳисобни очди. Бунга меҳмонлар биринчи бўлимда Нил Мопенинг киритган тўпи билан жавоб қайтарди. Танаффус арафасида Ерри Мина Ҳамес Родригеснинг узатмасини голга айлантирди.
Иккинчи бўлимда дарвозалар яна уч бор ишғол этилди. Мерсисайдликлар сафида Хамес дублни расмийлаштирган бўлса, ўйин сўнгида Ив Биссума «Брайтон»нинг иккинчи голини урди.
Шу тариқа Карло Анчелотти шогирдлари 2020/21 йилги мавсумдаги ғалабали серияни давом эттирган ҳолда мусобақа жадвалида карвонбошига айланди.
АПЛ
4-тур баҳси
3 октябрь, шанба
«Эвертон» — «Брайтон» 4:2
Голлар: 1:0 – 16 Кэлверт-Льюин, 1:1 – 41 Мопе, 2:1 – 45+2 Мина, 3:1 – 52 Хамес, 4:1 – 70 Хамес, 4:2 – 90+2 Биссума.«Эвертон»: Пикфорд, Дин, Коулмен (Делф, 58), Мина, Кин, Дукуре, Сигурдссон, Дэвис, Хамес (Уолкотт, 78), Ришарлисон (Ивоби, 25), Кэлверт-Льюин.
«Брайтон»: Райан, Уайт, Данк, Уэбстер, Лэмпти (Велтман, 46), Биссума, Марч, Алсате (Gross, 82), Троссард, Мопе, Коннолли (Лаллана, 66).
Огоҳлантириш: Алсате (4).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)