Мадриднинг «Реал» клуби жароҳатлар қпуршовида қолди.
Жамоанинг икки нафар ўнг қанот ҳимоячиси Дани Карвахаль ва Альваро Одриосола жароҳат сабаб сафдан чиқди. Бу ҳақда мадридликлар матбуот хизмати маълум қилди.
Карвахалнинг жароҳати жиддийроқ ва у икки майдонга туша олмаслиги мумкин. Унга ўринбосар сифатида қаралаётган Одриосола ҳам машғулот вақтида мушакларини шикастлаб олган.
Шу тариқа Зинедин Зидан «Эль-Класико» ва Чемпионлар Лигаси учрашувлари олдидан ўнг қанот ҳимоячисиз қолди. Ушбу позицияни ёпиш учун «Реал»да учта вариант бор: Эдер Милитао (марказий ҳимоячи), Начо (марказий ҳимоячи) ва Лукас Васкес (ҳужумкор ярим ҳимоячи).
Мадридликлар 25 октябрь куни «Барселона»га қарши баҳс олиб боради.Эслатиб ўтамиз, «Реал» мазкур чизиқда ҳаракат қилиши мумкин бўлган Ашраф Ҳакимини ёзда «Интер»га сотиб юборганди.
Маълумот учун, айни дамда «Реал»нинг бир қатор футболчилари жароҳатини тикламоқда: Эдер Милитао, Мариано Диас, Тони Кроос ва Эден Азар.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)