Фарғона вилояти ИИБ ходимлари ҳуқуқни муҳофаза қилувчи идоралар билан ҳамкорликда ўзи билан бита, кастет, пичоқ каби кесувчи ва санчадиган буюмларни олиб юрадиган шахсларни аниқлаш бўйича тезкор тадбир ўтказган. Бу ҳақда «Дарё»га вилоят ИИБ матбуот хизмати хабар берди.
Фуқароларнинг хавфсизлиги ва осойишталигини таъминлаш, жиноятлар ва ҳуқуқбузарликларнинг олдини олиш мақсадида шаҳар ва туманларда ўтказилган профилактик тадбирлар давомида ИИБ ходимларининг қонуний талабига бўйсунмаган 17 нафар шахсга маъмурий баённома расмийлаштирилган.
Шунингдек, фуқароларга тегишли бўлган 1 дона ўткир тиғли ханжар, 3 дона ўткир тиғли пичоқ, 1 дона қўлбола тайёрланган чопқи ва 3 дона бита, 270 донадан зиёд турли ўлчамдаги гильза ва патронлар олиб қўйилган.
Ҳозирда аниқланган ҳолатлар юзасидан суриштирув ўтказилмоқда.
«Фуқароларимиздан жамиятимизда ўрнатилган тартиб-қоидаларга тўлиқ амал қилишни, ноқонуний буюм ва воситаларни қонунга хилоф равишда сақламасликларини сўраб қоламиз», — дейилади вилоят ИИБ матбуот хизмати хабарида.
Изоҳ (0)