Кўпчилик учун севимли бўлган кабоб тайёрлашнинг осон рецепти билан бўлишамиз.
Қуйидаги маҳсулотлар керак бўлади:
- Гўшт — 750 гр
- Пиёз — 300 гр
- Шивит — 100 гр
- Қизил булғори қалампири — 1 дона
- Кашнич уруғи, туз, мурч
- Гўштни ўртача катталикдаги бўлакларга бўлиб олинг (Қозонга ёғ солинмагани сабаб гўштнинг ёғли қисмидан фойдаланиш тавсия қилинади).
- Зираворлар, туз ва мурчни сепиб аралаштиринг ва музлаткичга ярим соатга қўйинг.
- Пиёзларни юпқа пластинка шаклида тўғранг ва майдаланган шивит билан аралаштиринг.
- Қозонга гўштни бир қисмини солинг, устидан пиёз солиб, қолган гўшт қисмини теринг.
- Булғори қалампирини солинг.
- Қозон қопқоғини ёпиб, паст оловда 3 соат давомида пиширинг.
- Кабоб учун гарнир сифатида печда пиширилган сабзавотлар билан дастурхонни безаш тавсия қилинади.
Изоҳ (0)