Картошка ҳамда балиқ таъми уйғунлигидаги таом бутун оила аъзоларига манзур келади.
Керакли маҳсулотлар:
- Сазан – 1,7 кг;
- Картошка – 2-3 дона;
- Пиёз – 1-2 дона;
- Ўсимлик ёғи – 2 ош қошиқ;
- Таъбга кўра туз ва мурч.
Картошка, сабзи ва балиқ яхшилаб тозаланади. Картошка ва пиёз паррак қилиб тўғралади.
Таом пишириладиган идишга фольга қоғози жойлаштирилиб, усти ёғланади ва тўғралган пиёз солинади.
Балиқнинг ҳамма ерига туз ва зираворлар сепилади.
Пиёз устидан балиқ ва парракланган картошкалар солинади.
Балиқнинг устки қисми қизариб пишиши учун ўсимлик ёғи суртилади. Печда 200 даражада 50 дақиқа давомида пиширилади.
Балиқ пишиш мобайнида яна бир бора ёғланади ва жараён давом эттирилади.
Тайёр балиқ идишдан олинади ва совитишга қўйилади. Кўкатлар билан безатилиб, дастурхонга тортилади.
Ёқимли иштаҳа!
Изоҳ (0)