«Тоттенҳэм» Гарет Бэйлнинг ижараси учун қанча харажат қилгани маълум бўлди, дея хабар бермоқда Telegraph.

Хабарга кўра, «Тоттенҳэм» Бэйлнинг «Реал»да олган ҳафталик 650 минг евро маошидан 240 минг евросини тўлаб беради.

«Тоттенҳэм» биринчи навбатда узайтириш мумкин бўлган дастлабки келишув келаси йил июнь охиригача давом этади, бу ҳолатда Бэйлнинг ижараси Лондон клубига 9,8 миллион еврога тушади, «Реал» эса унга ҳафтасига 415 минг евро тўлашда давом этади.

Қайд этиш жоиз, «Реал» дастлаб «Тоттенҳэм»дан Бэйл маошининг 75 фоизини қоплашини истаган, бу эса «шпорлар»га жами 19,6 миллион еврога тушиши мумкин эди.

Маълумот учун, Бэйл 2013 йилнинг ёзида «Тоттенҳэм»дан «Реал» га ўтган эди. Унинг трансфер суммаси 101 миллион еврони ташкил қилган. Ўтган мавсумда 31 ёшли уэлслик футболчи Испания чемпионатининг 16 учрашувида майдонга тушиб, 2 та гол ва 2 та голли узатмага муаллифлик қилган. Футболчининг Мадрид клуби билан шартномаси 2022 йилнинг ёзигача амал қилади.