“Tottenhem” Garet Beylning ijarasi uchun qancha xarajat qilgani ma’lum bo‘ldi, deya xabar bermoqda Telegraph.
Xabarga ko‘ra, “Tottenhem” Beylning “Real”da olgan haftalik 650 ming yevro maoshidan 240 ming yevrosini to‘lab beradi.
“Tottenhem” birinchi navbatda uzaytirish mumkin bo‘lgan dastlabki kelishuv kelasi yil iyun oxirigacha davom etadi, bu holatda Beylning ijarasi London klubiga 9,8 million yevroga tushadi, “Real” esa unga haftasiga 415 ming yevro to‘lashda davom etadi.
Qayd etish joiz, “Real” dastlab “Tottenhem”dan Beyl maoshining 75 foizini qoplashini istagan, bu esa “shporlar”ga jami 19,6 million yevroga tushishi mumkin edi.
Ma’lumot uchun, Beyl 2013-yilning yozida “Tottenhem”dan “Real” ga o‘tgan edi. Uning transfer summasi 101 million yevroni tashkil qilgan. O‘tgan mavsumda 31 yoshli uelslik futbolchi Ispaniya chempionatining 16 uchrashuvida maydonga tushib, 2 ta gol va 2 ta golli uzatmaga mualliflik qilgan. Futbolchining Madrid klubi bilan shartnomasi 2022-yilning yozigacha amal qiladi.
Izoh (0)