Тожикистонда 18 сентябрь куни соат 22:47 да зилзила кузатилди. Ер силкинишининг кучи Ўзбекистоннинг бир қатор шаҳарларида сезилди. Бу ҳақда ФВВ Сейсмопрогностик мониторинг маркази хабар қилди.
Маълум қилинишича, 18 сентябрь куни Тошкент вақти билан соат 22:47 да Тожикистонда зилзила содир бўлди. Зилзила магнитудаси унинг 68 километр чуқурликда жойлашган марказида 5,4 баллни ташкил қилган. Зилзила эпимарказидан Тошкентгача бўлган масофа жанубий-шарқий йўналишда 522 километрни ташкил қилган.
Зилзила Ўзбекистон ҳудудида қуйидаги шаҳарларда сезилган:
- Тошкент — зилзила эпимарказигача бўлган масофа 522 километр, 2 балл;
- Наманган — зилзила эпимарказигача бўлган масофа 372 километр, 3 балл;
- Андижон — зилзила эпимарказигача бўлган масофа 328 километр, 3 балл;
- Фарғона — зилзила эпимарказигача бўлган масофа 308 километр, 3 балл;
- Гулистон — зилзила эпимарказигача бўлган масофа 498 километр, 2 балл;
- Жиззах — зилзила эпимарказигача бўлган масофа 549 километр, 2 балл;
- Самарқанд — зилзила эпимарказигача бўлган масофа 602 километр, 2 балл;
- Термиз — зилзила эпимарказигача бўлган масофа 561 километр, 2 балл;
- Қарши — зилзила эпимарказигача бўлган масофа 685 километр, 2 балл.
Эслатиб ўтамиз, 1 сентябрь куни Тожикистон—Қирғизистон чегарасида қайд этилган зилзила ҳам Ўзбекистонда сезилганди. 7 сентябрь куни эса Ўзбекистонда 3,8 балли зилзила юз берди. 8 сентябрь куни Фарғонада 2 балли зилзила кузатилди.
Изоҳ (0)