Tojikistonda 18-sentabr kuni soat 22:47 da zilzila kuzatildi. Yer silkinishining kuchi O‘zbekistonning bir qator shaharlarida sezildi. Bu haqda FVV Seysmoprognostik monitoring markazi xabar qildi.
Ma’lum qilinishicha, 18-sentabr kuni Toshkent vaqti bilan soat 22:47 da Tojikistonda zilzila sodir bo‘ldi. Zilzila magnitudasi uning 68 kilometr chuqurlikda joylashgan markazida 5,4 ballni tashkil qilgan. Zilzila epimarkazidan Toshkentgacha bo‘lgan masofa janubiy-sharqiy yo‘nalishda 522 kilometrni tashkil qilgan.
Zilzila O‘zbekiston hududida quyidagi shaharlarda sezilgan:
- Toshkent — zilzila epimarkazigacha bo‘lgan masofa 522 kilometr, 2 ball;
- Namangan — zilzila epimarkazigacha bo‘lgan masofa 372 kilometr, 3 ball;
- Andijon — zilzila epimarkazigacha bo‘lgan masofa 328 kilometr, 3 ball;
- Farg'ona — zilzila epimarkazigacha bo‘lgan masofa 308 kilometr, 3 ball;
- Guliston — zilzila epimarkazigacha bo‘lgan masofa 498 kilometr, 2 ball;
- Jizzax — zilzila epimarkazigacha bo‘lgan masofa 549 kilometr, 2 ball;
- Samarqand — zilzila epimarkazigacha bo‘lgan masofa 602 kilometr, 2 ball;
- Теrmiz — zilzila epimarkazigacha bo‘lgan masofa 561 kilometr, 2 ball;
- Qarshi — zilzila epimarkazigacha bo‘lgan masofa 685 kilometr, 2 ball.
Eslatib o‘tamiz, 1-sentabr kuni Tojikiston—Qirg‘iziston chegarasida qayd etilgan zilzila ham O‘zbekistonda sezilgandi. 7-sentabr kuni esa O‘zbekistonda 3,8 balli zilzila yuz berdi. 8-sentabr kuni Farg‘onada 2 balli zilzila kuzatildi.
Izoh (0)