Япониялик аёл футболчи Юки Нагасото эркаклар жамоасида ўйнайди, дея хабар бермоқда ESPN.
Хабарга кўра, 33 ёшли футболчи сўнгги уч йил ичида Американинг «Чикаго Ред Старз» аёллар жамоасида ҳаракат қилган. Нагасото ижара асосида ватанига «Хаябуса Элевен» клубига ўтди. Шу тариқа у Япония тарихида эркаклар жамоасида ўйнайдиган илк аёл футболчига айланди.
Нагасото фаолиятини Япониянинг «НТВ Белеза» клубида бошлаган, 2010 йилда Европага кетади. У ерда эса у кўп вақтни Германияда ўтказган.
Маълумот учун, Юки 2004 йилдан буён Япония терма жамоасига чақирилади. Терма жамоа таркибида у 2011 йилда Жаҳон чемпиони бўлган, 2015 йилда эса Жаҳон Кубогида кумуш медалга эга чиққан. Шунингдек, 2012 йилги Олимпия ўйинларининг кумуш медалига ҳам эга чиққан.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)