Ўзбекистон Профессионал футбол лигаси қуйи лига вакиллиари (Про-Лига, Биринчи Лига) учун легионер футболчиларни рўйхатдан ўтказиш учун тўланадиган пул миқдорини камайтирди. Бу ҳақда ташкилот расмий сайтида хабар берилди.
Таъкидланишича, ўз сафига легионер футболчини жалб этмоқчи бўлган клуб ПФЛга икки хил тўловни амалга ошириб келган. Жумладан, бу қуйидаги кўринишда амалга оширилган: ЎзПФЛ белгилаб берган талабларга жавоб берувчи легионерлар учун 20 миллион сўм, жавоб бермайдиганлари учун 100 миллион сўм.
Ташкилот хабарига кўра, 2020 йилги мавсум учун регламент ёзишда легионер футболчилар савиясига футбол клубларининг ўзи бевосита жавобгар экани инобатга олинди ва барча легионер футболчилар учун тўлов 50 миллион сўм этиб белгиланган.
«Вирус шароитида қуйи лига клубларини қўллаб-қувватлаш мақсадида ЎзПФЛ уларнинг легионер футболчилар учун тўловларини камайтириш таклифи билан чиқди ҳамда ташкилот Ижроқўмининг қўллаб-қувватловига эришди. Эндиликда мазкур клублар бу борадаги тўловларни икки баробар кам миқдорда амалга оширишлари мумкин бўлади», — дейилади ПФЛ хабарида.
Эслатиб ўтамиз, аввалроқ ташкилотнинг Биринчи Лига клублари бадал пулини икки баробар камайтиргани ҳақида хабар берилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)