«Насаф» бош мураббийи Рўзиқул Бердиев Coca-Cola Суперлига 14-туридан ўрин олган «Қизилқум»га қарши ўйиндаги ғалабадан (4:0) кейин ўз фикрлари билан ўртоқлашди.
Натижа биз кутгандек бўлди. Ғалаба учун майдонга тушгандик. Ўйинга тузган режамиз ҳам амалга ошди. «Қизилқум» таркибида тажрибали футболчилар кўп эди, сўнгги ўйинларда улар тўпни ўзларида ушлаб тура олаётганди. Рақиб тўпга эгалик қилаётган пайтда уларга босим ўтказишимиз керак эди ва буни йигитлар жуда яхши уддалади. Шунингдек, биз рақибга қараганда чаққонроқ ўйнашимиз керак эди. Ўйлайманки, буни ҳам йигитлар яхши бажарганини барча кўрди. Вазиятларнинг барчасидан ҳам фойдалана олмадик.«Насаф» мазкур ғалаба эвазига очколарини 26 тага етказиб олган ҳолда 3-ўринга кўтарилди. Жамоа кейинги турда «Андижон» билан ўйнайди.Тан олиш керак, Нестеров жамоани бир неча яққол голли вазиятларда қутқариб қолди. Бу ўйинда 3 очко олиш учун тўртта гол етарли бўлди. Ҳозирги футболнинг талаби — тезроқ ҳаракат қилиш ва тезроқ ўйлаш керак. Футболчиларни шунга ўргатяпмиз. Рақибга босим ўтказиб, тўпни иложи борича ушлаб туриш керак. Футболчиларим буни эплаяпти.
Йирик ҳисобда ғалабага эришишни режа қилгандик. Нестеров ҳақида қанча гапирсангиз ҳам, таъриф берсангиз ҳам жуда оз. Нестеров футболимиз афсонаси, у ўзбек футболи учун кўп нарса берган. Умуман олганда рақиблар таркибидаги кўплаб футболчилар тажрибали эди. Шундай рақибни кўриб, сизлар йирик ҳисобда ютасиз, дейишганида кўпчилик ишонмасди. Лекин биз учун ўйин шундай яхши кечдики, биз вазиятларни голга айлантира олдик. Шу сабабдан рақиблар очилишга мажбур бўлди ва қарши ҳужумлардан унумли фойдаландик.
Траорени «Динамо»га ижарага бермоқчи эдик. Бироқ улар негадир буни истамади. Унга имконият берамиз, у юқори потенциалли футболчи. Гавдасига нисбатан техникаси ҳам яхши. Шу боисдан уни асосий таркибга кира оладиган футболчи сифатида етиштира оламиз, деган умиддамиз ва бунга ҳаракат қиламиз.
«Насаф» логотипининг ўзгариши? Бу мухлисларнинг талаби эди. Биз мухлислар учун барчасига тайёрмиз. Клубдаги инсонлар бу борада жиддий ишлади ва алмаштиришди. Мухлисларга ёққан бўлса бўлди.
Рўзиқул Бердиев, «Насаф» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)