Англиялик собиқ боксчи Алан Минтер 9 сентябрь, чоршанба куни 69 ёшида ҳаётдан кўз юмди.
Sky Sports хабарига кўра, собиқ Жаҳон чемпиони узоқ вақт давомида онкологик касалликлардан азият чекиб келган.
Маълумот учун, Минтер 1972 йилги Олимпиадада бронза медалини қўлга киритган, 1980 йилда эса италиялик Вито Антуофермо устидан қозонган ғалабаси туфайли ўрта вазн тоифасида WBA, WBC камарлари ва The Ring журнали мукофотига сазовор бўлган. У боксчилик фаолиятида умумий ҳисобда 48 та жанг ўтказиб, шуларнинг 39 тасида ғалаба қозонган, 9 тасида имкониятни бой бериб қўйган. Минтер 1981 йилда катта спорт билан хайрлашганди.
Қайд этиш жоиз, Аланнинг ўғли ҳам профессионал боксчи бўлиб, Англия чемпионлигини қўлга киритган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)