«Барселона» ва «Манчестер Юнайтед» собиқ бош мураббийи Луи ван Гал «Лион» ҳужумчиси Мемфис Депайнинг каталонлар сафига ўтиши мумкинлиги ҳақидаги хабарларга шарҳ берди.
Аввалроқ Депай «Барселона» билан шахсий келишувга эришганди хабар қилинганди.
«Ҳамма вақт саволлар бўлади. Депай — қизиқарли футболчи, бироқ у янги маданият, жамоа ва илк мавсум синдромига қай даражада мослаша олишини кўриш керак. Биринчи мавсум жуда қийин кечади, Маттейс де Лигт ва Френки де Йонгга қаранг.
Депайда иқтидор бор, аммо у Месси ва Роналду эмас», — дейди нидерландиялик мутахассис.
Депай 2019/20 йилги мавсумда Франция чемпионатида 22 ўйин ўтказиб 15 та гол уришга эришди. Мемфис декабрь ойида жиддий жароҳат олди ва фақат коронавирусдан кейинги рестартдан сўнг сафга қайтди. 2020/21 йилги мавсумнинг илк ўйинида футболчи «Дижон» дарвозасига учта тўп киритди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)