Биргина қовоқчадан қанчадан қанча мазали таомлар тайёрлаш мумкин. Масалан, қовоқча қўшилган хамир ичига мол гўшти қиймаси солиб пиширилса, бетакрор таъмга эга «чебурек»лар тайёр бўлади.
Керакли маҳсулотлар:
- Қовоқча – 550 гр;
- Мол гўшти – 430 гр;
- Пиёз – 150 гр;
- Ун – 250 гр;
- Сут – 350 мл;
- Тухум – 2 дона;
- Ёғ – 190 мл;
- Туз, зиравор, кўкатлар таъбга кўра.
Белгиланган мидордаги маҳсулотлар 9 та «чебурек» учун мўлжалланган.
Гўшт бўлаклари бир соат давомида паст оловда пишириб олинади.
Қайнатилган гўшт алоҳида идишда совутилади.
Пиёз майда тўғралади, қизиган ёғда 4-5 дақиқа қизил тусга киргунча қовурилади.
Гўшт ва пиёз майдалагичдан ўтказилади.
Аралашмага туз ва зираворлар сепилади.
Қовоқча қирғичдан ўтказилади. Сўнг унга тухум, ун, сут, мурч ва 70 мл ўсимлик ёғи қўшилади.
Яхшилаб аралаштирилади.
Хамир қуюқроқ бўлиши керак.
Қизиган товага 2 ош қошиқ ёғ солинади. Ёғ қизигандан сўнг хамир това юзасини қоплайдиган миқдорда қуйилади.
Товадаги хамирнинг ярим бўлагига 2-3 ош қошиқ қиймали аралашмадан солинади.
Хамир бироз пишганидан сўнг унинг бўш томони қийма устига ёпилади ва хамирнинг чет қисми бир-бирига ёпиштирилади.
Қовоқачали «чебурак»нинг ҳар бир томони 2-3 дақиқа давомида қизаргунча пиширилади. Тайёрланиш жараёни шу тартибда давом этади.
Тайёр бўлган «чебурек»лар қоғоз салфетка устига, ёғни шимиб олиши учун қўйилади. Кейин эса дастурхонга тортилади.
«Чебурек»лар сизга мунтазир! Ёқимли иштаҳа!
Изоҳ (0)