Тошкент шаҳри Олмазор туманида яшовчи фуқаронинг уйидан 127 000 АҚШ долларини босқинчилик йўли билан ўмарган шахслар қўлга олинди, дея хабар қилмоқда Тошкент шаҳар ИИББ.
Маълум қилинишича, 27 август куни тахминан соат 00:30 да Олмазор туманида бир неча киши юзларини ниқоб билан беркитган ҳолда очиқ қолган уйга кирган. Сўнг ўткир буюм билан қўрқитиб, у ердан 127 000 АҚШ долларини ўғирлаб кетган.
Мазкур факт асосида Жиноят кодексининг 164-моддаси 4-қисми (босқинчилик) бўйича жиноий иш қўзғатилган.
Жиноят қидирув хизмати ходимлари томонидан кўрилган чоралар давомида гумонланувчилар – 38 ёшли муқаддам судланган Шуҳрат Н., 24 ёшли муқаддам судланган Эргаш У., 31 ёшли Шонурмуҳаммад Ш. ва 27 ёшли муқаддам судланган Сардор С. қўлга олинган. 22 ёшли муқаддам судланган Комилжон У.ни қўлга олиш чоралари кўрилмоқда.
Тергов ишлари давом этмоқда.
Мавзуга доир:
- «Шафтоли ўғирлиги»да айбланиб, 7 йилга қамалган самарқандлик талабанинг онаси Президентга мурожаат қилди. У ўғли ноҳақ қамалганини айтмоқда
- Тошкентда ўзганинг машинасидан 17 млн сўм пулни ўғирлаган шахс қўлга олинди
- Бухорода қарийб 4 млн сўм пул ва телефон ўғирлаган навоийлик фуқаро қўлга олинди
- Самарқандда ўзганинг пластик картасидан салкам 3 млн сўм ўғирлаган «уддабурон»га жиноят иши қўзғатилди
Изоҳ (0)