«Барселона» ярим ҳимоячиси Артуро Видаль каталон клубида ўзгаришлар қилиш вақти келгани ҳақида гапирди.
«Барселона» ўз қарашларини ўзгартириши керак, футбол анча ўзгарди, жамоа ДНКси ортда қолиб кетган, бошқа жамоалар эса турли йўналишда кучайиб бормоқда. Футбол ҳозирда кўпроқ жисмоний ҳолатга боғлиқ, катта куч ва тезлик керак, техника эса айрим вақтларда иккинчи планга ўтиб қолмоқда.33 ёшли чилилик футболчи 2019/20 йилги мавсум Ла Лигада 33 ўйин ўтказиб, 8 гол ва иккита голли узатма амалга оширди.«Барселона» кўп нарсаларни ўзгартириши керак. Мен дунёнинг энг кучли жамоаси деб биладиган клуб фақатгина 13 профессионал футболчига эга бўлиб, қайдномани қолганини вояга етмаган ўйинчилар билан тўлдирмайди. Бу гапим билан улар у ерда бўлишга арзимайди демоқчимасман, бироқ бу жамоа асосий таркибига кириш учун улар рақобатлашиши керак, майдонда эса энг яхшилар ўйнаши лозим.
Барча жамоаларда 23 нафардан футболчи бор, улар майдонда ҳаракат қилиш учун кураш олиб боради, ҳар куни ўсади ва ривожланиб боради. Аммо жамоа ДНКси орқали фақат ғалабаларга эришаман деб ўйласангиз, у ҳолда ҳеч қандай ўсишга эриша олмайсиз.
Бизда Месси бор, дунёнинг биринчи рақамли футболчиси, ўзга сайёралик, бироқ унга ёрдам керак, унга жамоани кучайтира оладиган ва кўпроқ натижа келтирадиган шериклар керак.
Артуро Видаль, «Барселона» футболчиси
Қайд этиш жоиз, аввалроқ «Барселона»нинг янги бош мураббийи Рональд Куман Артуро Видалнинг хизматларига эҳтиёж сезмаётгани ва унинг мавсумлар оралиғида жамоадан кетиши мумкинлиги ҳақида хабар берилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)