«Барселона» ҳужумчиси Мартин Брэйтуэйт Лионель Месси жамоани тарк этса, ўз рақамини ўзгартириши мумкин.
20 Мinutos нашри хабарига кўра, Месси «Барселона»ни тарк этса, даниялик футболчи 10-рақамни олишни хоҳламоқда.
Брэйтуэйт қишда клубга ўтганида у раҳбарият билан ушбу масалани муҳокама қилган ва Месси кетганидан кейин ёки у фаолиятини якунлаган тақдирда ушбу рақам остида ўйнашни исташини билдирган.
Эътиборга молик жиҳати шундаки, Брэйтуэйтнинг ҳам жамоадаги келажаги ҳамон ноаниқ бўлиб қолмоқда. Бош мураббий Рональд Куман унга машғулотлардаги ҳаракатларига баҳо бериб, кейинчалик унинг клубда қолиш, қолмаслиги тўғрисида қарор қабул қилмоқчи.
Маълумот учун, 2019/20 йилги мавсумда ҳужумчи Ла Лигада 11 учрашув ўтказиб, 1 тадан гол ва голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)