«Барселона» раҳбарияти жамоанинг мавсумолди йиғинида иштирок этмаётган Лионель Мессига нисбатан тартиб интизом чораларини қўллайди.
Журналист Танкреди Палмерининг хабар қилишича, «Барселона» раҳбарияти Мессининг йиғинга келмаган ҳар бир куни учун пропорсионал равишда футболчининг маошини қисқартириб боради. Аргентиналик футболчи каталон клубида кунига 110 минг евро ишлаб топади.
Аввалроқ Месси коронавирусга тест топшириш учун «Барселона» қароргоҳига келмаганди. Шунингдек Месси мавсумолди йиғинида қатнашмаслиги борасида клубни огоҳлантиргани айтилганди. 30 август куни «Барселона» футболчилари машғулотларни бошлашдан аввал тиббий кўрикдан ўтишни бошлаган. Аммо фақатгина Месси «Барселона» базасида кўриниш бермаган.
Мавзуга доир:
Месси 2019/20 йилги мавсумда «Барселона» сафида 44 ўйин ўтказиб, 31 та гол ва 24 та голли узатма муаллифига айланди. Аргентиналик футболчининг каталонлар билан амалдаги шартномаси 2021 йилга қадар мўлжалланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)