Футбол бўйича Россия Премьер Лигасининг 6-туридан ўрин олган баҳслар 30 август, якшанба куни якунланди.
«Ростов» жамоаси сафарда «Краснодар»га қарши баҳс олиб борди. Учрашувнинг биринчи бўлими ҳужумларга бой бўлди, бироқ дарвозалар ишғол этилмади. Иккинчи бўлим ўрталарига яқин Элдор Шомуродов қулай вазиятга чиқиб кетаётган вақтда мезбонлар футболчиси томонидан қўполлик билан тўхтатиб қолинди. Натижада белгиланган жарима зарбасини Матиас Норманн қойилмақом ижро этиб ҳисобни очди.
Орадан кўп ўтмай Маркус Берг краснодарликларнинг комбинациясини муваффақиятли якунлади. Қолган вақт мезбонларнинг кучли босими остида ўтди, бироқ ўйин ҳисоби ўзгармади.
Шу тариқа жорий мавсумда илк бор дуранг қайд этган «Ростов» 10 очко билан 6-ўринда қолди. «Краснодар» (8) эса 9-поғонадан жой олди.
Москванинг «Локомотив» жамоаси ўз уйида амалдаги чемпион «Зенит»ни қабул қилди. Учрашувда нурсиз дуранг қайд этилди. «Темир йўлчилар» қайдномасидан илк бор ўрин олган Жасур Жалолиддинов ушбу баҳсда захирада қолди.
РПЛ
6-тур баҳслари
30 август, якшанба
«Краснодар» — «Ростов» 1:1
Голлар: 0:1 – 64 Норманн, 1:1 – 72 Берг.«Краснодар»: Сафонов, Рамирес, Мартинович, Петров, Панталеао, Олссон, Классон (Сулейманов, 80), Вилена (Кабелла, 66), Газинский (Уткин, 59), Вандерсон, Берг.
«Ростов»: Песьяков, Осипенко, Козлов, Чернов, Ҳажикадунич, Ҳашимото (Глебов, 74), Еременко (Логашов, 85), Байрамян (Полоз, 63), Норманн, Ионов (Долгов, 74), Шомуродов (Тошевски, 85).
Огоҳлантиришлар: Петров (27), Еременко (28), Мартинович (63), Тошевски (90).
«Уфа» — «Динамо» 1:1
Голлар: 0:1 – 43 Н`Жи, 1:1 – 59 Жамалетдинов.«Локомотив» — «Зенит» 0:0
«Ахмат» — ЦСКА 0:3
Голлар: 0:1 – 11 Кучаев, 0:2 – 88 Бистрович, 0:3 – 90 Влашич.«Сочи» — «Урал» 0:0
«Рубин» — «Тамбов» 2:2
Голлар: 0:1 – 15 Карапетян, 1:1 – 45 Деспотович, 1:2 – 84 Карасев, 2:2 – 90 Деспотович.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)