Куз келишига саноқли кунлар қолди. Ушбу фаслда витамин етишмовчилиги кўп учрагани сабаб таомномада фойдали, витаминларга бой ва тўйимли таомлар бўлиши айни муддао.
Қуйидаги маҳсулотлар керак бўлади:
- Суякли мол ёки қўй гўшти — 500 гр
- Гуруч — 100 гр
- Нўхат — 300 гр
- Тоғолча (усиз ҳам пишириш мумкин) —100 гр
- Картошка — 3 дона
- Пиёз — 3 дона
- Заъфарон (усиз ҳам пишириш мумкин)
- Ялпиз таъбга кўра
- Мурч, туз таъбга кўра
- Бир кун аввал нўхатни ивитиб қўйинг.
- Гўштни суякдан ажратинг, суякларни қайнатиб булён тайёрланг.
- Тайёр булёнга нўхат қўшинг, паст оловда қайнасин, туз сепинг.
- Гўштни қиймалагичдан чиқаринг, майдаланган пиёз, гуруч, туз ва мурч қўшиб аралаштиринг, шарчалар ясанг.
- Шарчаларни булёнга солинг.
- Картошка ва пиёзни ҳам солинг.
- Пишганидан кейин юқоридаги бошқа маҳсулотлар — тоғолча, заъфарон, ялпиз солиб аралаштиринг ва оловни ўчириб қозон устини ёпиб қўйинг.
- Таомни сузма билан қўшиб ейиш тавсия қилинади.
Изоҳ (0)