Сабзавотли хуштаъм рататуй рецепти

Кам масаллиқ эвазига 30 дақиқа давомида тўйимли ва витаминларга бой таом тайёрлашни биласизми? Билмасангиз, ушбу рецепт орқали дарҳол ўрганиб олинг.

Керакли маҳсулотлар:

• бақлажон — 250 гр;
• булғор қалампири — 150 гр;
• қовоқча (кабачки) — 250 гр;
• помидор — 150 гр;
• пиёз — 50 гр;
• шароб сиркаси — 1 чой қошиқ;
• картошка — 150 гр;
• бальзам сиркаси — 1 чой қошиқ;
• таъбга кўра туз ва мурч.

1. Барча сабзавотлар думалоқ паррак шаклида, 5 миллиметрдан қалин бўлмаган ҳолда кесилади.
2. Бўлакланган маҳсулотлар товага кетма-кет айлана шаклида жойлаштирилиб, устидан зиравор ва сиркалар сепилади.
3. Усти димланган ҳолда 20 дақиқа давомида оловда пиширилади.
4. Сўнгра оловдан олиниб, микротўлқинли печга 10-15 дақиқага қўйилади.