АҚШнинг Индиана штатидаги Терре-Хот шаҳрида 2001 йилда тўққиз ёшли қизалоқ ва унинг бувисини ўлдиришда айбдор деб топилган туб америкалик — ҳинду миллатига мансуб Лезмонд Митчелл қатл этилди. У федерал даражада ўлимга маҳкум этилган ягона ҳинду ҳисобланади, деб хабар бермоқда Associated Press.
Қайд этилишича, ўлим жазоси инъекция йўли билан амалга оширилган. Қабила вакиллари ва қариндошлар ўлимга қарши чиққан.
Таъкидланишича, 38 ёшли ҳинду қилмишидан пушаймон эмаслигини билдирди. Қамоқхона ходимининг ўлим хонасида айбдорнинг оила аъзолари ва бошқа гувоҳларга сўнгги сўзлари борми, деган саволга Митчелл бепарволик билан «Йўқ, мен яхшиман» деб жавоб берган.
Маълумот учун, АҚШ Олий суди 17 йиллик танаффусдан сўнг федерал қамоқхоналарда қатлнинг ижро этилишга рухсат берди. Шундан сўнг бир нечта ўлим жазоси ижро этилди. Танаффусдан кейин уч кишидан иборат оилани ўлдирган Даниэль Льюис Ли исмли шахс федерал ҳукумат даражасида қатл этилди.
2019 йилги маълумотларга кўра, АҚШда 2600 дан ортиқ маҳбус ўлим жазосига ҳукм қилинган. Федерал доирада эса 62 кишига шундай жазо тури тайинланган.
Мавзуга доир:
Изоҳ (0)