Federal prokuratura 2018-yili AQShning Pittsburg shahrida joylashgan sinagogada 11 kishini o‘ldirgan Robert Bouersni o‘lim jazosiga hukm qilinishini so‘radi, deb xabar beradi “TASS”.

Foto: Myfox8

NBC telekanalining ma’lumotlariga ko‘ra, sud materiallarida qoralovchi tomon Bouersga o‘lim jazosi berilishini qat’iy talab qiladi.

2018-yilning 27-oktabrida Pensilvaniya shtatidagi Tree of Life sinagogasida sodir bo‘lgan otishma oqibatida 11 kishi halok bo‘lgan, shuningdek, olti kishi jarohat olgan edi. Voqea joyiga yetib kelgan politsiya xodimlari 46 yoshli Robert Bouersni qo‘lga olishga muvaffaq bo‘lgandi. Prokuratura Bouersga nisbatan diniy toqatsizlik sabab jinoyat sodir etganligi uchun jinoyat ishini ochgandi.