AQShning Indiana shtatidagi Terre-Xot shahrida 2001-yilda to‘qqiz yoshli qizaloq va uning buvisini o‘ldirishda aybdor deb topilgan tub amerikalik — hindu millatiga mansub Lezmond Mitchell qatl etildi. U federal darajada o‘limga mahkum etilgan yagona hindu hisoblanadi, deb xabar bermoqda Associated Press.
Qayd etilishicha, o‘lim jazosi inyeksiya yo‘li bilan amalga oshirilgan. Qabila vakillari va qarindoshlar o‘limga qarshi chiqqan.
Ta’kidlanishicha, 38 yoshli hindu qilmishidan pushaymon emasligini bildirdi. Qamoqxona xodimining o‘lim xonasida aybdorning oila a’zolari va boshqa guvohlarga so‘nggi so‘zlari bormi, degan savolga Mitchell beparvolik bilan “Yo‘q, men yaxshiman” deb javob bergan.
Ma’lumot uchun, AQSh Oliy sudi 17 yillik tanaffusdan so‘ng federal qamoqxonalarda qatlning ijro etilishga ruxsat berdi. Shundan so‘ng bir nechta o‘lim jazosi ijro etildi. Tanaffusdan keyin uch kishidan iborat oilani o‘ldirgan Daniel Lyuis Li ismli shaxs federal hukumat darajasida qatl etildi.
2019-yilgi ma’lumotlarga ko‘ra, AQShda 2600 dan ortiq mahbus o‘lim jazosiga hukm qilingan. Federal doirada esa 62 kishiga shunday jazo turi tayinlangan.
Mavzuga doir:
- AQShda federal darajadagi jinoyat uchun qatl qilingan jinoyatchi o‘limi oldidan bu ishni qilmagani va begunohligini aytdi
- AQSh prokuraturasi Pittsburgdagi sinagogada 11 kishini o‘ldirgan qotilga o‘lim jazosi berilishini so‘radi
- Qotillikda ayblangan amerikalik qatl etilishidan bir necha soat oldin afv etildi
Izoh (0)