Apple бутун дунё бўйлаб кўплаб дўконларини очган бўлиб, уларнинг аксарияти одамлар гавжум бўладиган марказларда инсонларни ўзига тортувчи нуқтага айланиб улгурган. The Straits Times’нинг ёзишича, компания навбатдаги Apple Store’ни сувда — Сингапурдаги Marina Bay Sands меҳмонхонаси яқинида очишни режалаштирмоқда.
Ҳозирча янги Apple Store қачон иш бошлаши номаълум. Apple вакилининг сўзларига кўра, очилиш маросими тез орада бўлиб ўтади. Сфера шаклидаги дўкон ташқи томондан шиша панеллар билан қопланган бўлиб, кундузи шаҳар панорамасини акс эттиради, кечаси эса улкан фонарга айланади. Гумбаз қисмининг юқорисида жойлашган айлана ойна ёруғликнинг асосий манбайига айланади.
Apple Store’дан яқин ўртадаги сувости марказига қадар сувости туннели ўтказилади. Афтидан, Нью-Йорк марказидаги улкан кубга муносиб рақиб қурилмоқда.
Изоҳ (0)