Apple АҚШ ҳукумати учун махфий iPod яратгани маълум бўлди

iPhone кўплаб датчиклари сабаб кенг функционалликка эга. Бироқ Apple’нинг бирорта замонавий девайси Калифорния компанияси томонидан АҚШ ҳукумати учун махсус яратилган iPod’га тенг кела олмайди. Мазкур қурилмага оид маълумотлар билан компаниянинг Дэвид Шейер исмли собиқ ходими бўлишган, деб хабар беради Hi-Tech.Mail.ru.

Шеернинг сўзларига кўра, ҳукумат плеерига Гейгер датчиги ўрнатилган бўлиб, у атрофдаги радиация даражасини кузатиш имкониятига эга. Муҳандис 2005 йилда раҳбарияти билан ноодатий диалогга киришганини сўзлаб берган.

«Уйда ўтириб кейинги йилда чиқиши керак бўлган iPod учун код ёзаётган эдим. Эшикни тақиллатмасдан iPod учун дастурий таъминот яратиш бошлиғи кириб (бошлиғимнинг бошлиғи) эшикни ортидан ёпиб қўйди. Менга махсус топшириқ борлигини айтди. Бошлиғимнинг ҳеч нарсадан хабари йўқлигини таъкидлади. У Энергетика вазирлигидаги иккита муҳандисга махсус iPod яратишда ёрдам беришимни ва бу борада фақат унга ҳисобот қилишимни маълум қилди», — дейди Шейер.

Шейернинг аниқлашича, «Пол» ва «Мэттью» исмли дастурчилар аслида вазирликка эмас, мудофаа шартномаси бўйича ишлаган. Уларнинг ғояси бўйича, iPod’нинг ички хотирасига маълумотларни ёзиб олишда ёрдам берадиган, бироқ уни аниқлаш қийин бўлган қўшимча қурилмани қўшиш режалаштирган. Шу билан бирга, қурилма оддий iPod’дан фарқ қилмаслиги керак бўлган.

«Пол» ва «Мэттью» Apple’нинг штаб-квартираси офисга ва iPod операцион тизимининг бошланғич кодларига эга бўлган. Шейерга эса iPod’га қандай қўшимча элемент қўшилгани тўғрисида маълумот беришмаган. iPod’даги махфий маълумотларни сақлаш учун қўшимча бўлма очилган бўлиб, у плеер компьютерга одатдаги тарзда уланганида кўринмайди. Ёзувларни ишга тушириш учун «Созламалар» менюсининг охирги қисмида кўзга ташланмайдиган опция пайдо бўлган — дастурчи унинг номига аниқлик киритмаган.

Ҳукумат iPod’и бешинчи авлод iPod Classic’га асосланган. Унинг корпуси осонликча очилган, бундан ташқари, бу операцион тизими рақамли имзога эга бўлмаган сўнгги iPod ҳисобланади. Гаджет устида ишлар бир неча ой давом этган, шундан сўнг «вазирлик дастурчилари» бутунлайга кетган.

Шеер плеерга айнан қандай қурилма ўрнатилганидан бехабар. Шунга қарамай, Apple собиқ ходимининг тахминича, бу Гейгер датчиги бўлиши мумкин. Унинг ёрдамида ҳар қандай аҳоли жойлардаги радиоактив ифлосланиш ҳолатини ўлчаш мумкин бўлиб, бу одамларда ортиқча саволларни юзага келтирмайди.

Эслатиб ўтамиз, 2017 йилда Apple ходими iPhone’ни таъмирлайдиган махфий қурилма ҳақида гапириб берган эди.