Август ойида Xiaomi дунёдаги биринчи шаффоф телевизорини тақдим этганди. Фойдаланувчилар экрандаги тасвирдан ташқари, қурилма ортида турган нарсаларни ҳам кўра олиши мумкин. Компания бу каби эффектга қандай қилиб эришилганини тушунтириб берди.
Барча электроника ва овоз қурилмалари дисплей жойлашган айлана «подставка»га ўрнатилган. Шу сабабли ишлаб чиқарувчи қўшимда совитиш тизимидан фойдаланишга тўғри келган. Бутун корпус иссиқ ҳавони чиқариб ташлашга мўлжалланган тешиклар билан жиҳозланган, чипсет эса иссиқлик ютувчи радиаторга эга.
Дисплейни лойиҳалашда OLED матрицадан фойдаланилган, чунки уни суюқ кристалл экранлардан фарқли ўлароқ ёритиш шарт эмас. Mi TV LUX RGBW ранглар маконидан фойдаланади, яъни стандарт қизил, яшил ва кўк рангларга оқ ҳам қўшилган.
Шу билан бирга, RGBW-матрица ярмигача пикселлар билан қопланган, қолган қисми шаффоф. Пикселлар майдалиги сабаб томошабин етарли даражадаги масофадан туриб уларни кўра олмайди. Улар орасидаги масофа ҳам бир хил даражада кам — буларнинг барчаси эса телевизорни оддий шиша экран кўринишига киришига кўмаклашган.
Изоҳ (0)