ZTE компанияси Axon 20 5G тақдимоти расман 1 сентябрь куни ўтказилиши ва у кўринмас фронтал камерага эга биринчи смартфонга айланишини маълум қилди, деб хабар беради Hi-Tech.Mail.ru.
Расмий реклама материалларидан кўриш мумкинки, смартфон экранида бирор тешик ёки қирқим йўқ — ҳатто камера объективлари ҳам кўринмайди.
Axon 20 5G’нинг яна бир сурати мавжуд бўлиб, унда ZTE ўз қурилмасини камералари эскича тартибда ўрнатилган бошқа смартфонлар билан таққослаган.
Маълумотларга кўра, ҳозирда бу каби технология устида бир вақтнинг ўзида кўплаб компаниялар иш олиб бормоқда, хусусан, OPPO, Xiaomi ва ҳоказо. Афтидан ZTE ушбу технологияни яратиб, тижорий қурилмаларга жорий этишга муваффақ бўлган.
Ҳозирча Axon 20 5G’нинг фронтал камераси қанчалик кўзга ташланмайдиган бўлиши номаълум. Масалан, OPPO прототипининг дисплейидаги объективда кўзга ташланувчи нуқсонлар бўлган — бу камера сенсорига кўпроқ ёруғлик тушиши учун керак. Шунингдек, смартфон нархи ҳақида ҳам ҳеч қандай маълумотлар ошкор этилмаган.
Аввалроқ Xiaomi айланувчи камерага эга смартфон устида иш бошлагани тўғрисида хабар берилганди.
Изоҳ (0)