Huawei Mate 30’ни ёдга солувчи 100 долларлик смартфон тақдим этилди

Тўртта камера, 6 гигабайт тезкор ва 128 гигабайт ички хотирага эга Cubot Note 20 Pro смартфони расман тақдим этилди, деб хабар беради IXBT.

Cubot Note 20 Pro’га 6,5 дюймли дисплей ўрнатилган. Ингичка ҳошиялар эвазига экран корпуснинг 90,3 фоизини эгаллаган. Фронтал камераси 8 мегапикселлни ташкил этади. Асосий камера модулидан 12 мегапикселли Sony IMX486 ҳамда 20 мегапикселли Sony IMX350 ўрин олган.

Смартфон бир кристалли MediaTek Helio P60 процессори асосида ишлайди. Аккумулятор сиғими 4200 мА/соатга тенг. Cubot Note 20 Pro NFC модулига, наушниклар учун 3,5 миллиметрли «разём» ва USB-C портларига эга бўлган.

24 август куни смартфон 120 доллардан сотувга чиқади, дастлабки минг нафар харидор уни 100 доллар эвазига сотиб олишлари мумкин.

Аввалроқ Xiaomi’нинг энг ҳамёнбоп телефонлари — Redmi 9А ва Redmi 9S моделлари 100 доллардан сотувга чиқарилгани тўғрисида хабар берилганди.