ZTE kompaniyasi Axon 20 5G taqdimoti rasman 1-sentabr kuni o‘tkazilishi va u ko‘rinmas frontal kameraga ega birinchi smartfonga aylanishini ma’lum qildi, deb xabar beradi Hi-Tech.Mail.ru.
Rasmiy reklama materiallaridan ko‘rish mumkinki, smartfon ekranida biror teshik yoki qirqim yo‘q — hatto kamera obyektivlari ham ko‘rinmaydi.
Axon 20 5G’ning yana bir surati mavjud bo‘lib, unda ZTE o‘z qurilmasini kameralari eskicha tartibda o‘rnatilgan boshqa smartfonlar bilan taqqoslagan.
Ma’lumotlarga ko‘ra, hozirda bu kabi texnologiya ustida bir vaqtning o‘zida ko‘plab kompaniyalar ish olib bormoqda, xususan, OPPO, Xiaomi va hokazo. Aftidan ZTE ushbu texnologiyani yaratib, tijoriy qurilmalarga joriy etishga muvaffaq bo‘lgan.
Hozircha Axon 20 5G’ning frontal kamerasi qanchalik ko‘zga tashlanmaydigan bo‘lishi noma’lum. Masalan, OPPO prototipining displeyidagi obyektivda ko‘zga tashlanuvchi nuqsonlar bo‘lgan — bu kamera sensoriga ko‘proq yorug‘lik tushishi uchun kerak. Shuningdek, smartfon narxi haqida ham hech qanday ma’lumotlar oshkor etilmagan.
Mazvuga doir: Kamerasi ekran ostidan o‘rin olgan birinchi smartfonning texnik tavsiflari oshkor bo‘ldi
Izoh (0)