Европа аудио ва видеотехника бўйича журналлар ассоциацияси (EISA) 12 йўналиш бўйича 2020—2021 йилдаги энг яхши қурилмалар рўйхатини тақдим этди, деб хабар беради IXBT.
Жорий йилги рўйхат анча қизиқарли тус олган. Масалан, йилнинг энг яхши смартфони дея OnePlus 8 Prо тан олинган. Энг замонавий смартфон номи эса Оppo Find Х2 Pro’га, яъни концерн бўйича OnePlus 8 Pro’нинг қариндошига насиб этган.
EISA мутахассисларининг фикрича, смартфон бозорида энг яхши камера Huawei П40 Pro моделига тегишли деб топилган, энг яхши эгилувчан экранга эга смартфон номига эса Samsung Galaxy Z Flip сазовор бўлган. Sony Хpreia 1 II «Энг яхши мултимедиа смартфони» дея эътироф этилган.
Энг яхши қопламали наушник номи Bowers & Wilkins PХ6’га насиб этган бўлса, энг яхши тўлиқ наушник дея Dali IО-6 танланган, энг яхши ички каналли эса Sennheiser Momentum True Wireless 2.
Шунингдек, рўйхатдан Huawei Watch GТ 2 (энг яхши «ақлли» соат), FiiО М11 Pro (энг яхши мобил аудиоплеер), LG XBoom Go PL7 (энг яхши портатив колонка) вa AudiоqUEST Dragonfly Cobalt (наушниклар учун энг яхши кучайтиргич) қурилмалари ҳам ўрин олган.
Изоҳ (0)