Huawei ўзининг янги маҳсулотини тақдим этишга тайёргарлик кўрмоқда. LetsGoDigital нашри компаниянинг корпус орқа қисмида қўшимча экранга эга бўладиган смартфони патенти билан бўлишди.
Патент учун ариза 2020 йилнинг бошларида берилган, бироқ ҳужжат август ўрталарига келибгина эълон қилинган. Потенциал қурилмада қўшимча дисплей асосий камера модули ёки унинг остида жойлашиши керак.
Компаниянинг дастлабки чизмаларига кўра, қўшимга экранга эга смартфон дизайни Huawei P40 линейкасидан деярли фарқ қилмайди. Шу билан бирга, дисплей жойлашувининг яна бир вариантига кўра, у тўртта камера датчигини икки гуруҳга ажратади.
Патентдаги барча чизмаларда дисплей фақат вақтни кўрсатган. Бироқ ишлаб чиқарувчининг таъкидлашича, экран фойдаланувчига бошқа масалаларда ҳам ёрдам бериши мумкин.
Аввалроқ Xiaomi экрани ўз корпуси атрофида деярли тўлиқ «айлана оладиган» ноодатий дизайнга эга янги смартфон яратиш устида иш бошлагани тўғрисида хабар берилганди.
Изоҳ (0)