Xiaomi «учтаси бирда» фонарини тақдим этди

Xiaomi смартфонлар ва «ақлли» телевизорлар бозорига кирмайдиган навбатдаги гаджетини тақдим этди. Бу сафар Хитой гиганти «учтаси бирда» функцияси эга Wiha фонарини ишлаб чиқарди, деб ёзади Hi-Tech.Mail.ru.

Фонар уч хил режимда ишлай олади: стандарт, ультрабинафша ва лазер кўрсаткич. Асосий режимда иккита ёрқин ёруғлик диоддан фойдаланилади — максимал ёритиш узоқлиги 65 метр. Фонар ресурси нафақат каравот остида, балки кечаси табиат қўйнида йўқотиб қўйилган буюмларни қидиришга ҳам етади.

Қурилма корпусининг пастки қисмига кучли магнит ўрнатилган бўлиб, унинг ёрдамида фонарни темир юзага қотириб қўйиш мумкин — бу эса кечаси шосседа қолиб кетган автомобиль капотини «чуқалаш»да ёрдам беради. Фонар ультрабинафша нурларни қўллаб-қувватлагани сабаб ундан флуорессент рангларни белгилаш воситаси ва турли хил нарсаларни қайд этишда фойдаланиш мумкин.

Wiha юқори бардошли қотишмадан тайёрланган ва зарурат туғилганида унинг ёрдамида автомобиль ойнаси уриб синдириш мумкин. Қурилма IPX4 стандарти билан ҳимоялангани сабаб у сув ўтказмайди. Фонар учта ААА-батареялари ёрдамида қувватланади, оғирлиги 252 грамм.

Xiaomi Wiha 36,5 доллар нархида сотувга чиққани айтилмоқда.