Замонавий смартфонлар эгасининг спиртли ичимлик қабул қилган ёки йўқлигини кўрсатиши мумкин. Journal of Studies on Alcohol and Drugs’га кўра, АҚШнинг Стэнфорд университети олимлари томонидан ўтказилган тадқиқотда 90 фоиз ҳолатда юришдаги кичик фарқлар бўйича мастлик даражасини аниқлашга эришилган, деб ёзади «Korrespondent.net».
Таъкидланишича, тадқиқотда 21 дан 43 ёшгача бўлган 22 кўнгиллилар иштирок этган. Уларга маълум миқдорда спиртли ичимлик қўшилган коктейл берилган. Шундан кейин телефонини белига маҳкамлаган иштирокчилар, машина ҳайдашга рухсат берилган ҳудудда алкоголнинг қондаги концентрацияси кўтарилгунига қадар — етти соат давомида соатига бир мартадан олдинга ва орқага 10 қадамдан юрган.
Смартфон ҳар гал тананинг тезланиши, ён, орқа ва олдга ҳаракатланишини ўлчаган. Натижада олимлар 90 фоиз ҳолатда юришдаги кичик фарқлар бўйича мастлик даражасини аниқлашга муваффақ бўлган, дейилади хабарда.
Тадқиқот муаллифларининг қўшимча қилишича телефонлар спиртли ичимлик билан боғлиқ организмдаги функционал бузилиш белгиларини аниқлашда фойдали бўлиши мумкин.
Изоҳ (0)