Интернетда Samsung Galaxy Note20 Ultra смартфонига оид маълумотлар пайдо бўлмоқда. Phone Arena Note20 Ultra камерасининг бошқа қурилмаларники билан таққослангани тасвирланган суратлар билан бўлишди.
Мутахассислар ушбу ҳолатда янги моделга қўшимча сифатида Galaxy S20 Ultra, Galaxy Note 10+ ҳамда iPhone 11 Pro Max моделларидан ҳам фойдаланган. Таққослаш у қадар тўлиқ бўлмаса-да, янги флагман камераси ярим-бир йил ичида қанчалик ўзгарганини тушунса бўлади.
Таққослаш учун жойлаштирилган суратлар кўп бўлгани боис уларнинг барчаси билан қуйидаги ҳавола орқали танишиш мумкин.
Ушбу ҳолатда эътиборли жиҳати, Galaxy Note20 Ultra суратлари S20 Ultra’ники билан мутлақо бир хил. Улар орасида ҳеч қандай фарқ йўқ.
Тест иштирокчилари якунда қуйидагича ўрин олган:
- Galaxy Note 20 Ultra — 8,7 балл;
- Galaxy S20 Ultra — 8,6 балл;
- Galaxy Note 10+ — 8,3 балл;
- iPhone 11 Pro Max — 8,1 балл.
Изоҳ (0)