Тонгни французча пишлоқли омлет — матафан билан қарши олинг

Эски француз ошхонасига мансуб мазкур таомни гўшт ва бошқа сабзавотлар қўшиб тайёрласа ҳам​ бўлади.

Қуйидаги маҳсулотлар керак бўлади:

• Тухум — 2 дона
• Сут — 250 мл
• Ун — 140 гр
• Колбаса — 100 гр
• Пишлоқ — 40 гр
• Сариёғ — 30 гр
• Кўк пиёз, туз

• Идишга тухум чақинг ва сут қўшиб аралаштиринг.
• Ун, туз қўшиб аралаштиришда давом этинг.
• Тўғралган кўк пиёзни ҳам қўшинг.
• Колбасани юпқа, ярим думалоқ шаклда тўғранг ва 10 гр сариёғ солинган товада қовуриб олинг.
• Товадан колбасани олинг ва қолган сариёғ ҳамда қуймоқ хамирини солинг.
• Товани 180 даража қизиган печга 15 дақиқага қўйинг.
• Печдан олгач, қовурилган колбасани териб чиқинг.
• Устига қирғичдан чиқарилган пишлоқ солиб, яна 5 дақиқага печга қўйинг.
• Нонушта тайёр, уни қиздирилган нон бўлаклари ва сабзавотлардан тайёрланган енгил салат билан қўшиб истеъмол қилиш тавсия қилинади.