Rolls-Royce компанияси иккинчи авлод Ghost моделларига бўлган қизиқишни оширишни давом эттирмоқда. Британияликлар бу сафар седаннинг шовқиндан ҳимоялангани тасвирланган анимацион ролик билан бўлишди. Муҳандислар ташқи шовқинлардан қутулишга уринган, бироқ мутлақ тинчлик учун автомобилнинг ўзи овоз чиқара бошлаган, деб хабар беради Motor.
Шовқиндан ҳимоялаш тизимини яхшилашда «саккизинчи» Phantom ва Cullinan’нинг асосини ташкил этувчи Architecture of Luxury платформасини янгилаш ҳисобига эришилган. Платформани тайёрлашда ишлатилган алюминий ўз ўзидан овоз тебранишларини пўлатга нисбатан яхши ютади. Текис деталлар яхши резонанслашгани сабаб платформа компонентларига овозни ўчирадиган мураккаб шакл беришга қарор қилинган.
6,75 литрли V12 двигатели ва салон ўртасидаги тўсиқ икки қаватлига айлантирилган. Пол, эшик, шифт ва юкхона қисми шовқин ютувчи материаллар билан қопланган. Шиналардаги тўрт дюймли пўкак ва шиша пакетлардаги иккиталик шаффоф қатлам қўшимча изоляцияни таъминлаган.
Муҳандислар бу билан тўхтаб қолмаган: седаннинг ҳар бир эҳтиёт қисмини акустик хусусиятга текширилган. Аниқланишича, кўплаб кутилмаган деталлар салондаги шовқинга сабаб бўлиши мумкин экан — масалан, кондиционер ҳаво ҳаво ҳайдагичи ичидаги қисмлар. Ҳавони тортиш вақтида улар баланд овоз чиқаргани сабаб мазкур қисмлар тўлиқ алмаштирилган.
Ghost салонидаги тинчлик йўловчи ва ҳайдовчини чалғитиб қўйиши мумкин. Шу сабабли моделга «шивирлаш» номли майин тарқалувчи овоз тизими ўрнатилган. У ўриндиқлар орқасидаги сезувчан амортизаторлардан ташкил топган бўлиб, тана томонидан пайдо бўладиган майда тебранишларни ютиб, шовқинни ягона нотага айлантиради. 500 литрли юкхона полига ўрнатилган ўзига хос портлар ёрдамида паст частотали товушлар автомобилни тарк этади. Rolls-Royce’нинг мазкур янги технологияси «хотиржамлик формуласи» номини олган.
Аввалроқ янги Rolls-Royce Ghost антивирус ҳимояга эга бўлиши тўғрисида хабар берилганди.
Изоҳ (0)