UzAuto Motors заводи 2020 йилнинг ўтган 7 ойи давомида неча дона енгил автомобиль ишлаб чиқарганини маълум қилди.
Маълумотларга кўра, завод томонидан январь—июль ойлари давомида 168 712 дона енгил машина ишлаб чиқарган. Бу 2019 йилнинг мос даври (146 706 дона) билан таққослаганда 15 фоизга кўп демак.
Аввалроқ Ўзбекистон автомобиль ишлаб чиқариш саноатида 2020 йилнинг январь—июнь ойларида 35 050 дона Nexia Т-250 (ўтган йилнинг мос даврига нисбатан 99,9 фоиз), 37 682 дона Cobalt (154,2 фоиз), 26 047 дона Lacetti-Gentra (133,0 фоиз), 26 687 дона Damas (115,8 фоиз), 14 511 дона Spark (160,4 фоиз) ҳамда 3 478 дона Labo (90,7 фоиз) автомобиллари ишлаб чиқарилгани тўғрисида хабар берилганди.
Эслатиб ўтамиз, UzAuto Motors компанияси 9 март куни ўзи ишлаб чиқараётган (йиғаётган) енгил автомобиллар нархи модель ва модификацияга қараб 3 фоиздан 21 фоизгача оширган эди. Компания ушбу ҳолатни «нархларни қайта кўриб чиқиш қарори нархлар конюнктураси, шунингдек, ички ва ташқи бозордаги умумий макроиқтисодий вазиятнинг ўзгариши билан боғлиқ», деб изоҳлаган.
Изоҳ (0)