YouTube’даги Warped Perception канали блогерлари узоқ вақт жойидан жилмай айланган «покришка» портлашини унинг ичидан кўрсатиб берди. Бунинг учун Mercedes-Benz W211 ғилдиракларига GoPro камераси ўрнатилиб, ҳолат реал вақт режимида узатиб турилган.
Ғилдиракнинг ички қисмини ёритиш учун фонардан фойдаланишга тўғри келган. Барчаси тайёр бўлгач, блогерлар «покришка»ни «ёқишга» киришган ва газ тепкисини охирига қадар босган. Видеодан кўриш мумкинки, тутунга тўлган «покришка» охир-оқибат қизиб кетиши оқибатида бирданига бир неча жойидан ёрилиб кетган.
Бернаут ҳолати сабаб ғилдирак остида узун қора из ва парчаланган резина бўлаклари қолган. Камера тажрибадан омон чиқмаган: у портлаш вақтини суратга олишга улгурган, бироқ ўзи ҳам қисмларга бўлиниб кетган.
Аввалроқ ушбу канал муаллифлари тўғри ва ўнқир-чўнқир йўлда ҳаракатланаётган Mercedes-Benz E55 AMG ғилдираги ичида нималар содир бўлишини кўрсатиб берганди.
Изоҳ (0)