Андижон вилоятида биргаликда бизнес юритиш мақсадида уч фуқародан катта миқдорда пул олиб, ўз эҳтиёжларига сарфлаб юборган шахс қўлга олинди, деб хабар қилди Тергов департаменти.
Маълум қилинишича, 2019 йилнинг декабрь ойидан 2020 йил-10 март кунига қадар бўлган вақт оралиғида 43 ёшли Т.К. алдаш ёки ишончни суиистеъмол қилиш йўли билан ўзганинг мулкини қўлга киритиш мақсадида фуқаролар 54 ёшли Х.А. ва 43 ёшли Г.Ж.га ёғ-мой маҳсулотлари савдоси билан шуғулланишини, 56 ёшли Н.А.га эса биргаликда кафе очиб бизнес қилишни айтиб, уларнинг ишончига кириб, алдаган. Т.К. юқорида қайд этилган уч кишидан жами 35 200 АҚШ доллари пул маблағларини олиб, шахсий эҳтиёжларига сарфлаб юборган.
Мазкур ҳолат юзасидан Андижон шаҳри бўйича ИИО ФМБ 4-сонли ИИБ ҳузуридаги Тергов бўлинмаси томонидан Т.К.га нисбатан Жиноят кодексининг 168-моддаси 4-қисми «а» банди (фирибгарлик) билан жиноят иши қўзғатилган.
Ҳозирда жиноят иши бўйича тергов ҳаракатлари олиб борилмоқда.
Аввалроқ Тошкентда икки фуқаронинг 214 миллион сўм пулини «еб юборган» шахс қўлга олингани ҳақида хабар берилганди.
Мавзуга доир:
- Самарқандда фуқароларни чет элга юборишни ваъда қилиб, қарийб 787 млн сўм пулни ўзлаштирган хусусий бандлик агентлиги мансабдорларига жиноят иши қўзғатилди
- Сирдарёда ноқонуний йўл билан 500 млн сўмдан зиёд маблағни ўзлаштирган «Агробанк»нинг туман филиали раҳбарига жиноят иши очилди
- Тошкентда автомашинани фоизсиз сотиш шарти билан 150 нафардан ортиқ кишини алдаб пулларини ўзлаштирган фирма фаолияти фош қилинди
Изоҳ (0)