IT Park АҚШ Халқаро Тараққиёт Агентлиги (USAID) кўмагида Ўзбекистонда ахборот технологиялари соҳасида аёллар тадбиркорлигини қўллаб-қувватлашга қаратилган Tumaris Tech лойиҳасини бошлади, деб хабар берди IT Park’нинг матбуот хизмати.
Лойиҳа АКТ экотизимида аёлларнинг иштирокини кучайтиришга қаратилган.
«Бу лойиҳа Ўзбекистон учун жуда зарур, чунки ҳозирги пайтда гендер тенгсизлигининг жиддий муаммоси мавжуд. Бошқа соҳалар қаторида IT соҳасида ишлайдиган аёлларнинг жуда тор қатлами мавжудлиги шундан далолат беради», — дейилади хабарда.
Лойиҳа доирасида, хусусан, аёлларнинг стартапларини қўллаб-қувватлаш режалаштирилган. Бу ерда таъсисчиларнинг камида ярми ва жамоанинг 60 фоизи аёллардан ташкил топган.
«Лойиҳанинг ушбу компоненти ўз бизнесини бошлаш учун аллақачон тайёр бўлган ва ғоянинг ривожланиш босқичида бўлган аёлларга қаратилган», — дейилади IT Park хабарида.
Бундан ташқари, кузатув/мураббийлик институтидан фойдаланиш кутилмоқда. Ҳар икки лойиҳа учун жамоани бошқарадиган ва қўллаб-қувватлайдиган, керакли маслаҳат ва изоҳларни берадиган битта кузатувчи/мураббий аниқланади.
Энг муваффақиятли ғоялар молиялаштириш имкониятига эга бўлади ва баъзи иштирокчилар келажакда ўзлари инвестиция қилиш учун ўқитилади.
Ташкилотчилар номоддий қўллаб-қувватлаш учун Европа хавфсизлик ва ҳамкорлик ташкилоти (ЙХҲТ)дан қўшимча ҳамкорларни Хотин-қизлар қўмитасига жалб қилишни режалаштирмоқда.
Мавзуга доир:
- Ўзбекистоннинг ҳар бир туман ва шаҳарида ҳамда ОТМларида ахборот технологияларига ўқитиш марказлари очилади
- Ўзбекистон мактабларида 7-синфдан бошлаб дастурлаш асосларини ўқитиш йўлга қўйилади
- Бухоролик фрилансер 2023 йилгача 6 мингдан ортиқ дастурчи ва дизайнер тайёрлаб, хорижга IT хизматларини экспорт қилишни режалаштирмоқда
Изоҳ (0)