Самарқандда вилоят Божхона бошқармаси ходимлари томонидан 48 миллион 485 минг сўмлик дори воситаларининг ноқонуний савдосига чек қўйилди. Бу ҳақда «Дарё»га вилоят божхона бошқармаси ахборот хизмати маълум қилди.
Вилоят божхона бошқармаси ходимларининг Самарқанд шаҳрида ўтказган тезкор тадбирида «Улуғбек» автотураргоҳи ҳудудида турган М.М. бошқарувидаги Lacetti автомашинаси кўздан кечирилган.
Автомашина юкхонасида йўловчи Н.С.га тегишли 48 миллион 485 минг сўмлик ноқонуний дори воситалари борлиги маълум бўлган.
Юкхонадаги 50 дона «Слидерон», 100 дона «Stanhep» номли дори воситаси, 172 дона кўзойнак, 50 дона «Recyclable» номли ва 51 дона «Face Shield» номли ҳимоя шлеми, 489 дона «Virus shut out» номли ҳамда 31 дона «Virus blocker disinfection card» номли блокатор гувоҳлар иштирокида ашёвий далил сифатида олиб қўйилган.
Ҳозирда ушбу ҳолат юзасидан божхона органлари томонидан суриштирув ҳаракатлари олиб борилмоқда.
Изоҳ (0)