Россияда ҳар қандай йўлда ҳам ҳаракатлана оладиган тез ёрдам машинаси яратилди (фото)

Россиянинг «Авторос» компанияси ҳамда «Садр» қўшма корхонаси ҳамкорликдаги янги лойиҳани тақдим этди: қор-ботқоқли йўлларга мўлжалланган саккиз ғилдиракка эга «Шаман» базасида яратилган тез ёрдам автомобили. 6,3 метрли машинага ҳайдовчи, тўрт нафар тиббиёт ходими ҳамда икки бемор сиғади, деб хабар беради Motor.

«Шаман»нинг тиббиёт версияси стандарт қор-ботқоқ йўллар учун яратилган автомобиль касалларни ташишга мўлжалланган кузови ва тўлиқ қурилмалар жамланмаси билан фарқ қилади. Мустақил «подвеска» ва паст босимли шиналар, 8х8 узатма йўлтанламасга деярли барча тўсиқларни босиб ўтишга ёрдам беради.

«Шаман» узунлиги 6300 миллиметрни, эни 2500 миллиметрни, баландлиги эса 2700 миллиметрни ташкил этади. Йўлтанламас тез ёрдам каретасини 146 от кучига эга 3,0 литрли Iveco мотори ҳаракатга келтиради. Автомобиль қуруқликда соатига 70 километр, сувда эса 7 км/соат тезликда ҳаракатланишга қодир.

Тез ёрдам каретасига кондиционер, иситиш ва вентиляция тизимлари ўрнатилган, махсус хавфсизлик камарлари, акустик ва ёруғлик сигнал қурилмалари, ўт ўчириш мосламалари мавжуд.

Мазкур автомобиль 23—29 август кунлари Москва вилоятида ўтказиладиган «Армия—2020» ҳарбий-техника форуми доирасида оммага тақдим этилади.