«Олқишларсиз цирк»: Пандемияни акс эттирувчи халқаро фестиваль суратлари
The Guardian нашри Cortona on The Move халқаро фестивалида иштирок этаётган пандемия фотосуратларидан иборат жамланмани тақдим этди. Ҳар бир суратда фотосуратчиларнинг алоҳида лойиҳаси келтирилган. Лойиҳаларнинг номлари пандемия шароитидаги умумий кайфиятни акс эттиришга хизмат қилади.
Римнинг 50 кунлик карантиндаги ҳаёти битта суратда.Фото: The Guardian
Ритратти Маскерати томонидан Лондондаги Ридли-Роуд озиқ-овқат бозорида олинган сурат. Ердаги қизил чизиқлар ижтимоий масофани сақлаш учун чизилган.Фото: The Guardian
Италиянинг Брешиа ҳудудидаги Кроче-Блу шифохонаси волонтёри, 30 ёшли Лаура Ригетти. «Мен бошланғич мактабда дарс берар эдим, ишдан сўнг дўстларим билан аперитива ичгани борар эдик. Энди одамларнинг уйига борсак, ўзимиз билан қўрқув олиб борамиз. Аввал улар бизнинг юзимизни кўра олишар эди. Энди эса буткул ёпиқмиз. Ўзга сайёраликларга ўхшаймиз».Фото: The Guardian
Луис Кобелонинг Барселонада суратга олинган яна бир лойиҳаси.Фото: The Guardian
Барселонанинг Луис Кобело шаҳрини 180 даражада томоша қилиш мумкин бўлган терраса. Ушбу фотосурат инсоннинг янги одатлари, учрашув манзиллари: том, балкон, деразалар ҳақида сўзлайди.Фото: : The Guardian
Кундалик ҳаётнинг белгилари: автомобиллар, юк машиналари, одамларсиз ҳувиллаган Лондон. Виқорли, баланд бинолар. Саймон Норфолкнинг фотосурати Лондоннинг пандемия вақтидаги тоза ва беғубор қиёфасини намоён қилади.Фото: The Guardian
Ташриф буюрувчиларсиз қолган музейлар қандай кўринишга эга? Фотосуратчилар Паоло Вудс ва Габриэле Галимберте Италиянинг бир қанча таниқли музейларида бўлди.Фото: The Guardian
Пандемия сабаб айрим оилалар бирлашди. Бошқалар эса яқинларидан узоқда қолиб кетди. Шу тарзда биргаликдаги ҳаёт концепцияси мавжуд ҳудуддан биргаликда фойдаланиш талабини мажбурий этиб қўйди. COndiVIDendo-19 лойиҳаси фавқулодда вазиятда италияликларнинг ҳаёт тарзини намоён этади.Фото: The Guardian
Опера қўшиқчиси ва рассом Лаура Балдассарри Генделнинг «Lascia ch’IO Pianga» қўшиғини куйламоқда. Пандемиянинг илк кунлариданоқ Италия хонадонларининг исталган қисми саҳнага айланди. Одамлар тиббиёт ходимлари учун мусиқа чалди, қўшиқ куйлади, олқишлар ёғдирди. Алекс Майоли олган ушбу сурат театр услубини ёдга солади.Фото: The Guardian
Италиядаги маҳаллий расталар ўзининг тижорий ва ижтимоий ролини тиклаб олди. Фотосуратчи Габриэле Галимберти Турин, Милан ва Флоренцияда бўлиб, уларни суратга олди.Фото: The Guardian
Prada мода оламининг етакчи брендларидан бири. Компания Италиянинг Перужа шаҳридаги кийим ишлаб чиқариш фабрикасини Тосканадаги тиббиёт ходимлари учун ниқоб ишлаб чиқаришга йўналтирди.Фото: The Guardian
Тўққиз кун давомида фотосуратчи Даниэле Ратти Италия шаҳарларини жанубдан шимолга, шарқдан ғарбга кезиб чиқди. Коронавирус пандемияси даврида ушбу техник хизмат кўрсатиш марказлари ўз аҳамиятини йўқотгандек гўё.Фото: The Guardian
Блокада вақтидаги ҳувиллаган Флоренция шаҳри. Шаҳар майдони ва черковлар гўёки муҳандислик намуналаридан чалғимаслик учун одамлардан холи қилиб қўйилгандек. Cortona on The Move Х халқаро фестивали бу йил 23 августгача давом этади. COVID-19: A Time of Distance визуал лойиҳаси коронавирусга бағишланган доимий архив саналади.Фото: The Guardian
Италиялик цирк артисти Клаудио қарсакларсиз саҳна ортида. Пандемиянинг бўм-бўш қифояси артистнинг руҳиятига кўчгандек.Фото: The Guardian
Изоҳ (0)