Ливан пойтахти Байрут портида 4 август куни кечаси содир бўлган портлаш оқибатида етказилган зарар 15 миллиард доллардан ортиқроққа баҳоланди. Бу ҳақда Ливан президенти Мишель Аун администациясининг Twitter’даги саҳифасида маълум қилинди.
Маълум қилинишича, президент Аунга Испания қироли Филипп VI ҳамдардлик билдирган.
«Дастлабки ҳисоб-китоблар шуни кўрсатмоқдаки, портлаш оқибатида етказилган зарар 15 миллиард доллардан ошган», — дейилади хабарда.
Бир нечта кучли портлаш Байрут шаҳридаги порт ҳудудида 4 август куни содир бўлган. Маълум бўлишича, 2014 йилда Грузиядан Мозамбикка олиб кетилаётган 2750 тонна аммиак селитраси портлаб кетган.
Сўнгги маълумотларга кўра, ушбу ҳодисалар оқибатида 170 нафардан ортиқ одам ҳалок бўлган ва 6 минг нафарга яқин киши жароҳат олган. Портлаш зарбининг кучи Кипрда ҳам сезилгани айтилмоқда. Портлаш тўлқини оқибатида шаҳар ҳудудида жойлашган биноларнинг ярмига зарар етган, кўплаб бинолар вайрон бўлган, ойналар ва эшиклар синган. 300 мингга яқин киши уйсиз қолган.
Мавзуга доир:
- Байрутда портдаги портлаш айбдорларини жазолаш талаби билан минглаб одамлар кўчага чиқди. Намойишчилар тўртта вазирлик биносини эгаллаб олди
- Ливан ҳукумати оммавий намойишлар сабабли истеъфога чиқишга қарор қилди
- Ливан ҳукумати Байрутдаги портлаш бомба воситасида уюштирилгани ҳақидаги тахминларни ўрганади
Изоҳ (0)