Беларусь пойтахти Минск ва бошқа шаҳарлар марказида 12 август куни оқ кийимдаги аёллар гуллар тутган ҳолда жонли занжир ҳосил қилгани тўғрисида хабар берилганди. Мазкур акция куч тузилмаларидан жабр кўрган намойишчиларга бирдамлик рамзи сифатида ўтказилган. 13 август куни эрта тонгдан бу каби бирдамлик занжирлари Минскнинг турли ҳудудларида яна пайдо бўлган, деб хабар беради Meduza.
Тирик занжирдан Минскдаги 1-сонли шаҳар касалхонаси ходимлари ўрин олган. Аввалроқ минсклик тиббиёт ходимлар Беларусь давлат тиббиёт университети қаршисида норозилик акциясини ўтказган эди. Уларнинг олдига мамлакат соғлиқни сақлаш вазири Владимир Караник етиб келган. У акцияни атайдан уюштирилган деб атаб, тиббиёт ходимларидан милицияга нисбатан «куч жавобини провакация қилишда фойдаланишаётганини» маълум қилган.
Яна шундай бирдамлик занжири Минскдаги 1-сонли шаҳар касалхонаси қаршисида жойлашган йўл бўйида, «Октябрь» кинотеатри яқинида ҳосил бўлган. Ундан ҳам асосан аёллар ўрин олган.
Бирдамлик занжирига Минск яқинидаги Малиновка кичик тумани аёллари ҳам қўшилган. Акция ярим соатга яқин давом этган. Шундан сўнг, аёллар ўзлари билан олиб келган гулларни йўлакда қолдириб, тарқалишган.
Минск газмол комбинати яқинидаги тирик занжир
Челюскинсев боғи яқинида
«Зелений луг» кичик тумани ҳудуди
«Пушкин» метро станцияси
Давлат «Белтелерадиокомпанияси» қаршисида
Бирдамлик занжири Минскдан ташқари камида яна битта шаҳарда пайдо бўлди — Брестда
Эслатиб ўтамиз, Беларусда 9 август куни президент сайлови бўлиб ўтди. Сайлов куни Минск марказида ҳарбий техника пайдо бўлди. Беларусь милицияси сайлов участкалари олдида тўпланган одамларни қўлга олди. Сайлов куни оқшомида мамлакатнинг барча етакчи оммавий ахборот воситаларининг сайтлари очилмай қолди. Пойтахт Минскда президент сайловидан кейин норозилик намойиши бошланди.
Изоҳ (0)