Беларусда махсус хизматнинг собиқ ходимлари намойишларнинг бостирилишига норозилик сифатида формаларини ташлаб юбормоқда (видео)

Ижтимоий тармоқларда Беларусь махсус хизмат ходимлари чиқинди идишларга ўз формалари ва ажратувчи белгиларини ташлаб, мамлакатда тинчлик намойишчиларига нисбатан куч ишлатилаётганига шу орқали нозорилик билдиргани тасвирланган видеомурожаатлар тарқалди.

«Мен ҳозирда одамларни уриб, майиб қилаётган қўшинларда хизмат қилганимдан жуда ҳам уятдаман», — дейди ҳарбийлардан бири.

«Мен ўз халқимни ҳимоя қилиш бўйича қасам ичган ва ҳозирда содир бўлаётган тартибсизликлардан уялиб кетяпман», — дейди яна бир видеомурожаат муаллифи.

«Беларусь биродарлиги, Беларусь ‘спецназъи энди йўқ».

https://www.instagram.com/p/CDzFgpBl-UW/?utm_source=ig_embed

«Қаерда хизмат қилганим билан фахрлана олмайман, формани кийиш ёки уйда ҳам сақлай олмайман».

https://www.instagram.com/p/CDyv6PVDR8z/?igshid=yfkf4d5aumi

Беларусда 9 август куни президент сайлови бўлиб ўтди. Сайлов куни Минск марказида ҳарбий техника пайдо бўлди. Беларусь милицияси сайлов участкалари олдида тўпланган одамларни қўлга олди. Сайлов куни оқшомида мамлакатнинг барча етакчи оммавий ахборот воситаларининг сайтлари очилмай қолди. Пойтахт Минскда президент сайловидан кейин норозилик намойиши бошланди.

Беларусь Марказий сайлов комиссиясининг дастлабки ҳисоб-китобларига кўра, президентлик сайловларида республиканинг амалдаги раҳбари Александр Лукашенко 80,23 фоиз овоз тўплаган. Мухолифат номзоди Светлана Тихановская эса расмий маълумотларга кўра, 9,9 фоиз овоз олган.