Ўзбекистонда 2020 йил 26 июль соат 23:30 ҳолатига кўра, яна 140 кишида коронавирус инфекцияси аниқланди ва касалланганларнинг умумий сони 20 531 нафарга етди. Бу ҳақда Соғлиқни сақлаш вазирлиги хабар берган.
Янги касалланиш ҳолатларининг
- 83 таси Тошкент шаҳрида;
- 31 таси Фарғона вилоятида;
- 26 таси Самарқанд вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
26 июль куни Тошкент вилоятида 67 нафар, Самарқанд вилоятида 64 нафар, Тошкент шаҳрида 44 нафар, Сурхондарё вилоятида ҳам 44 нафар, Андижон вилоятида 38 нафар, Фарғона вилоятида 11 нафар ҳамда Сирдарё вилоятида 6 нафар, жами 274 нафар бемор коронавирус инфекциясидан тузалган.
Шу тариқа Ўзбекистонда COVID-19 инфекциясидан тузалганлар сони 11 105 нафарни (54 фоиз) ташкил қилмоқда.
«9310 нафар беморга шифокорлар томонидан белгиланган стандартлар бўйича даво чоралари кўрилмоқда», — дейилади ССВ ахборотида.
Эпидемия бошланганидан бери мамлакатда Соғлиқни сақлаш вазирлиги томонидан 116 кишининг коронавирус асоратларидан вафот этгани хабар қилинган. «Дарё» ҳисоби бўйича (давлат идоралари томонидан расман эълон қилинган, аммо ССВ статистикасига киритлмаган ҳолатлар) коронавирусга чалингач вафот этганлар сони 122 нафарни ташкил этмоқда.
Изоҳ (0)